काठमाडौँ । चुनावी सरकारका अर्थमन्त्री रामेश्वर खनालले रातो पासपोर्ट फिर्ता गरेका छन् । अन्तरिम चुनावी सरकारको मिति सकिँदै गरदा मंगलबार अर्थमन्त्री खनालले प्रयोजन सकिएको बताउँदै उक्त पासपोर्ट फिर्ताका लागि प्रशासन महाशाखामा बुझाएका हुन् ।
‘मलाई अर्थमन्त्रीको हैसियतमा प्रयोग गर्न उपलब्ध गराइएको कुटनीतिक राहदानीको प्रयोजन समाप्त भएकाले परराष्ट्र मन्त्रालयको राहदानी विभागमा फिर्ता बुझाइदिनु राहदानी यसै साथ संलग्न राखी अनुरोध गरेको छु,’ उनले लेखेको पत्रमा उल्लेख छ ।
उनले आफू बिदाइको चरणमा रहेकोसमेत उल्लेख गरेका छन् । पूर्व इमानदार प्रशासक भनेर कहलिएका रामेश्वरले राज्यलाई ठूलो भार नपारिकनै प्रतिनिधि सभा निर्वाचनको खर्च जुटाउन सफल भएका हुन् ।
उनले आफू छोटो अवधिका लागि विशेष परिस्थितिमा सत्तामा रहेको भन्दै अत्यावश्यक बाहेकका कुनै पनि सुबिधा लिएका छैनन् ।
