काठमाडौँ। एलजी इलेकट्रोनिक्सले आफ्नो आधिकारिक वितरक सीजी इलेक्ट्रोनिक्ससँगको सहकार्यमा आगामी गर्मी मौसमलाई ध्यानमा राख्दै निःशुल्क एसी सेवा शिविर सञ्चालन गर्ने घोषणा गरेको छ।

यस पहलमार्फत एलजीका ग्राहकहरूले आफ्ना एयर कन्डिसनरहरू प्रशिक्षित प्राविधिकद्वारा कुनै पनि सेवा शुल्क बिना निरीक्षण तथा मर्मत गराउन सक्नेछन्। यसले राम्रो कूलिङ कार्यक्षमता, सुधारिएको ऊर्जा दक्षता तथा उत्पादनको लामो आयु सुनिश्चित गर्न मद्दत गर्नेछ।

यस सेवा शिविरमा ग्राहकहरूका लागि थप विभिन्न लाभहरू पनि उपलब्ध छन्। ग्राहकहरूले स्पेयर पार्ट्समा ५०% सम्म छुट, नयाँ एसी खरिद गर्दा २०% विशेष छुट, साथै रु. ४,००० बराबरको निःशुल्क इन्स्टलेसन सुविधा प्राप्त गर्न सक्नेछन्। साथै, आफ्नो पुरानो एसी साटेर नयाँ मोडेलमा अपग्रेड गर्ने ग्राहकहरूले एसी एक्सचेन्जमा ५०% सम्म अतिरिक्त मूल्याङ्कन प्राप्त गर्न सक्नेछन्, जसले गर्दा नवीनतम एलजी एयर कन्डिसनिङ मोडेलमा सजिलै स्विच गर्न सकिनेछ।

सेवा शिविरमा सहभागी हुने ग्राहकहरूले रु. ३,००० बराबरका दुई वटा सेवा कुपन पनि प्राप्त गर्नेछन्, जुन छ महिनासम्म मान्य हुनेछ। यसले प्रारम्भिक सेवापछि पनि निरन्तर मर्मत सम्भार सहयोग सुनिश्चित गर्नेछ।

अपग्रेड प्रक्रियालाई अझ सहज बनाउन, एलजी र सीजी इलेकट्रोनिक्सले सीजीएक्स एलेक्समार्फत सजिलो ईएमआई सुविधा पनि उपलब्ध गराइरहेका छन्, जसले ग्राहकहरूलाई लचिलो भुक्तानी योजनासहित नयाँ एसी खरिद गर्न सहयोग गर्नेछ।

निःशुल्क एसी सेवा शिविरको सुविधा लिन इच्छुक ग्राहकहरूले सिजी केयर आधिकारिक क्युआर कोड स्क्यान गरेर वा सेवा हटलाइन १६६-००-१००-२११ वा ०१-५९७०२११ मा सम्पर्क गरेर दर्ता गर्न सक्नेछन्। 

यस राष्ट्रव्यापी सेवा पहलमार्फत एलजीले नेपालभरका घरपरिवारलाई उन्नत कूलिङ प्रविधि, भरपर्दो सेवा तथा ग्राहक केन्द्रित समाधान प्रदान गर्ने आफ्नो प्रतिबद्धता पुनः पुष्टि गरेको छ।

एलजी इलेक्ट्रिक बारे
एलजी इलेक्ट्रिक उपभोक्ता इलेक्ट्रिक तथा घरेलु उपकरण क्षेत्रमा अग्रणी विश्वव्यापी कम्पनी हो, जसलाई नवप्रवर्तन, ऊर्जा दक्ष प्रविधि तथा प्रिमियम ग्राहक अनुभवका लागि चिनिन्छ। नेपालमा सिजी इलेक्ट्रोनिक्ससँगको सहकार्यमार्फत एलजीले नेपाली उपभोक्ताहरूलाई विश्व स्तरीय उत्पादन तथा भरपर्दो बिक्रीपछिको सेवा उपलब्ध गराउँदै आएको छ।