काठमाडौँ। काठमाडौँ उपत्यकालगायत देशका प्रमुख सहरहरूमा वायु प्रदूषणको स्तर अत्यन्त चिन्ताजनक बनेको छ। स्वास्थ्य तथा जनसङ्ख्या मन्त्रालयले सार्वजनिक सूचना जारी गर्दै नागरिकलाई सतर्कता अपनाउन छ बुँदे अनुरोध गरेको छ। अत्यावश्यक कामबाहेक घर बाहिर ननिस्कन, बालबालिका, वृद्धवृद्धा र श्वासप्रश्वास समस्या भएकाले मास्क अनिवार्य लगाउन, सकेसम्म समूहमा सवारी प्रयोग गर्न, फोहर नजलाउन र स्वास्थ्य समस्या देखिए तुरुन्त अस्पताल जान मन्त्रालयले आग्रह गरेको छ।

काठमाडौँको वायु गुणस्तर सूचकाङ्क २०० को आसपास पुगेको छ, जुन अत्यधिक अस्वस्थकर श्रेणीमा पर्छ। वायु गुणस्तर सूचकाङ्क मापदण्डअनुसार ० देखि ५० सम्मको सूचकाङ्कलाई सन्तोषजनक मानिन्छ।

यस्तो अवस्थामा घर र कार्यालयभित्र स्वच्छ हावा कायम राख्नु अत्यन्त जरुरी भएको छ। यस आवश्यकतालाई ध्यानमा राख्दै विश्व प्रसिद्ध ब्रान्ड माइडियाले उच्च क्षमताका दुई आधुनिक हावा शुद्धीकरण यन्त्र – केजे५००जी-एफ११ र केजे४००जी-जेड१ प्रो – नेपाली बजारमा उपलब्ध गराएको छ। यी यन्त्रले घर तथा कार्यालयको हावा शुद्ध पारेर स्वस्थ वातावरण सिर्जना गर्न मद्दत गर्छन्।

केजे५००जी-एफ११ : ठूला कोठाका लागि शक्तिशाली विकल्प

• ६६ वर्ग मिटरसम्मका ठूला हल, बैठक कोठा वा कार्यालयका लागि डिजाइन गरिएको यो यन्त्र हावा सफा गर्ने क्षेत्रमा शक्ति केन्द्र हो।
• स्मार्ट एआई प्रणाली : कोठाको प्रदूषण स्तर निरन्तर मापन गर्छ र हावा सफा भएपछि स्वतः गति घटाएर ऊर्जा बचत गर्छ तथा फिल्टरको आयु लम्ब्याउँछ।
• उच्च शुद्धीकरण क्षमता : ४५० घन मिटर प्रति घण्टाको स्वच्छ हावा आपूर्ति दरका साथ ठूलो क्षेत्र छिटो र बारम्बार ताजा बनाउँछ।
• चिकित्सकीय स्तरको फिल्टर : एच१३ उच्च दक्षता पार्टिकल फिल्टरले ९९.९७ प्रतिशत पीएम २.५ कणसहित धुलो, पाल्तु जनावरको रौँ र सूक्ष्म प्रदूषक हटाउँछ।
• प्लाज्मा कीटाणुनाशक प्रविधि : कण मात्र होइन, प्लाज्मा प्रविधिमार्फत हानिकारक ब्याक्टेरिया र भाइरस नष्ट गरी कीटाणुरहित हावा प्रदान गर्छ।

केजे४००जी-जेड१ प्रो : सानो बसोबासका लागि उत्कृष्ट साथी

• ५५ वर्ग मिटरसम्मका साना बेडरूम, कार्यालय वा अपार्टमेन्टका लागि उपयुक्त यो यन्त्र शक्तिशाली र अत्यन्त शान्त छ।
• ३८० घन मिटर प्रति घण्टाको स्वच्छ हावा आपूर्ति दरका साथ छिटो शुद्धीकरण।
• न्यूनतम ३० डेसिबल आवाजमा सञ्चालन हुने मौन प्रणाली।
• नकारात्मक आयन जेनेरेटर : दुर्गन्ध, धुवाँ र धुलो कम गर्न मद्दत गर्छ।
• एच१३ उच्च दक्षता पार्टिकल फिल्टर र सक्रिय कार्बन फिल्टरको संयोजनले धुलो, धुवाँ र अशुद्ध तत्त्व प्रभावकारी रूपमा हटाउँछ।

दुवै यन्त्रमा थप सुविधाहरू :

• हावा गुणस्तर सूचक (रियल-टाइममा देखाउने)
• फिल्टर आयु सूचक (परिवर्तन समयको जानकारी)
• समय सेटिङ, टर्बो मोड र मौन मोड

चौधरी ग्रुप अन्तर्गतको सीजी इलेकट्रोनिक्सले यी उत्पादन नेपाल भित्र्याएको हो। कम्पनीले चार दशकभन्दा बढी समयदेखि गुणस्तरीय सेवा दिँदै आएको छ। कुनै प्राविधिक समस्या वा फिल्टर परिवर्तन गर्नुपरेमा देशभरका सीजी सेवा केन्द्र र सञ्जालमार्फत सहज सहयोग उपलब्ध छ।

बढ्दो वायु प्रदूषणको यो अवस्थामा घर र कार्यालयभित्र स्वच्छ तथा सुरक्षित हावा कायम राख्न माइडियाका हावा शुद्धीकरण यन्त्र प्रभावकारी समाधान बन्न सक्छन्। यी यन्त्रहरू सीजी इलेकट्रोनिक्सका शोरूम तथा देशभरका प्रमुख इलेकट्रोनिक्स पसलहरूमा उपलब्ध रहेको कम्पनीले जनाएको छ।