काठमाडौँ। पछिल्लो समय अन्तर्राष्ट्रिय ऊर्जा बजारमा देखिएको उतारचढावका कारण एलपीजी ग्यासको मूल्य र आपूर्तिबारे विभिन्न चर्चा भइरहेका छन्। नेपालजस्तो आयातमा निर्भर देशका लागि ऊर्जा स्रोतको दक्ष प्रयोग झन् महत्त्वपूर्ण बन्दै गएको अवस्थामा धेरै घरपरिवारले ग्यासको प्रयोग कम गर्दै वैकल्पिक तथा स्मार्ट भान्सा उपकरणतर्फ ध्यान दिन थालेका छन्।
यही परिवेशमा माइक्रोवेभ ओभन नेपाली सहरी भान्सामा ग्यास बचत गर्ने उपयोगी विकल्पका रूपमा लोकप्रिय हुँदै गएको छ। माइक्रोवेभ प्रविधिबाट खाना छिटो पकाउन सकिने भएकाले नास्ता, स्न्याक्स, बेकिङ तथा विभिन्न परिकार तयार गर्न ग्यासको प्रयोग घटाउन सहयोग पुग्ने प्रयोगकर्ताहरू बताउँछन्।
ललितपुरमा बस्ने र एक निजी बैङ्कमा कार्यरत स्मिता अधिकारीका लागि माइक्रोवेभ ओभन अहिले दैनिक भान्साको महत्त्वपूर्ण हिस्सा बनेको छ। व्यस्त कामकाजी जीवनशैलीका कारण बिहान–बेलुका धेरै समय भान्सामा खर्च गर्न गाह्रो हुने उनी बताउँछिन्। “अफिस जानुअघि छिटो नास्ता बनाउनु पर्छ, बेलुका घर फर्किएपछि पनि धेरै समय हुँदैन,” उनी भन्छिन्। “माइक्रोवेभ ओभन भएपछि खाना, बेक्ड डिश, स्न्याक्स वा अन्य परिकार छिटो पकाउन सकिन्छ। यसले समय बचत गर्नुका साथै ग्यासको प्रयोग पनि धेरै घटाएको छ।”
उनका अनुसार अहिले घरमा दैनिक पकाइने धेरै परिकार माइक्रोवेभमै तयार हुने भएकाले ग्यासको प्रयोग पहिलेको तुलनामा निकै कम भएको छ। माइक्रोवेभ ओभनमा दाल, भात जस्ता दैनिक नेपाली परिकार पकाउनदेखि लिएर तरकारी, स्न्याक्स, बेकिङ तथा विभिन्न नयाँ परिकार तयार गर्न समेत सजिलै सकिने भएकाले यो उपकरण आधुनिक भान्साको उपयोगी सहायक बन्न थालेको छ।
नेपालमा गोडरेज माइक्रोवेभ ओभन विभिन्न मोडेल र क्षमतामा उपलब्ध छन्। सोलो, ग्रिल र कन्भेक्सन जस्ता विकल्पमा उपलब्ध यी माइक्रोवेभहरू २० लिटर, २३ लिटर र २८ लिटर क्षमतामा पाइन्छन्। इन्स्टाकुक रेसिपी मेनु, मल्टि-डिस्ट्रिब्युसन हीटिङ सिस्टम, अटो कुकिङ मेनु, डुअल ग्रिल टेक्नोलोजी तथा डिफ्रोस्ट फङ्क्सन जस्ता सुविधाले प्रयोगकर्तालाई विभिन्न परिकार सजिलै पकाउन सहयोग गर्छ। केही मोडेलहरूमा हेल्दी एयर फ्राई प्रविधि समेत उपलब्ध छ, जसले कम तेल प्रयोग गरेर स्वस्थकर खाना तयार गर्न मद्दत गर्दछ।
यसरी माइक्रोवेभ ओभनले केवल खाना तताउने मात्र नभई पकाउने, बेकिङ गर्ने तथा विभिन्न परिकार तयार गर्ने सुविधा प्रदान गर्दै आधुनिक भान्सामा महत्त्वपूर्ण स्थान बनाइरहेको छ।
नेपालमा गोडरेज माइक्रोवेभ ओभनहरू सीजी इलेकट्रोनिक्स मार्फत उपलब्ध छन्। चौधरी ग्रुप अन्तर्गतको सीजी इलेकट्रोनिक्स नेपालका प्रमुख होम अप्लायन्स वितरक कम्पनीहरूमध्ये एक हो, जसले अन्तर्राष्ट्रिय ब्रान्डका आधुनिक गृह उपकरण नेपाली बजारमा उपलब्ध गराउँदै आएको छ। गोडरेज ब्रान्डका रेफ्रिजरेटर, एयर कूलर, वासिङ मेसिन तथा चेस्ट फ्रीजर जस्ता उत्पादनहरू पनि नेपाली बजारमा लोकप्रिय रहँदै आएका छन्।
ग्यासको प्रयोग बचत गर्दै छिटो र सहज रूपमा खाना पकाउने समाधानका रूपमा गोडरेज माइक्रोवेभ ओभन नेपाली भान्सामा क्रमशः लोकप्रिय बन्दै गएको देखिन्छ। यी उपकरणहरू सीजी इलेकट्रोनिक्सका शोरूम तथा देशभरका प्रमुख इलेकट्रोनिक्स पसलहरूमा उपलब्ध छन्।
