हङकङ। हङकङ नेपाली अल्ट्रा ट्रेल रनिङ संघको आयोजनामा  टाइमोसन कन्ट्री पार्क अल्ट्रा ट्रेल रनिङ  सम्पन्न भएको छ । ५० किलोमिटर र १२  किलोमिटरमा विभिन्न देशका १७६ जना धावकले प्रतिस्पर्धा  गरेकामा ५० किमिमा हङकङ चीनका एन चेज हङ पहिलो भए । नेपालका सन्तोष  तामाङ दोस्रो तथा बेलायतका  तमी युङ तेस्रो भए । 

त्यसैगरी ५० किमि महिलामा बेलायतकी हङ क्यु किमी ल्योङ पहिलो भइन् भने हङकङ चीनकी पाक ई मङ दोस्रो तथा भारतकी जुलीयामित लेप्चा तेस्रो भइन् । 

१२ किमिमा बेलायतका म्याथ्थु क्यारी पहिलो हङकङका यू जेस्पर याम दोस्रो तथा फ्रान्सका जर्म डी क्यालेरन्स  तेस्रो भए । महिलातर्फ हङकङ चीनकी सीउ साङ सान लाउ पहिलो भइन् भने फिलिपिन्सकी इलाने एप्सटोल दोस्रो तथा हङकङकी  जेसी याहू तेस्रो भइन् । 

विजेताहरूलाई नगद र ट्रकी प्रदान गरिएको थियो । यसैगरी विभिन्न उमेर समूह महिला समूहहरूका विजेतालाई पहिला दोस्रो तेस्रोहरूलाई ट्रफ्री प्रदान गरिएको थियो । 

निर्धारित समयमा दौड पुरा गर्ने धावकहरूलाई फिनिसर मेडल प्रदान गरियो । 

सम्पुर्ण प्रतियोगी धावकहरू लाई ब्लु माउन्टेन को एचके डलर १०० को सपिंड कुपन  दौड टिसर्ट खाजा फलफूल हल्का पेय बियर खाना  उपलब्ध थियो ।   

हङकङ र विदेशी धावकहरूले खेल आयोजकहरूको खेल व्यवस्थापन उत्कृष्ट प्रकट भएको प्रतिकृया प्रकट गरेको थिए । 

संस्थाका सल्लाहकार रेस डाइरेक्टर डिना बगालेले दौड़का नियम र सेफ्टीबारे जानकारी दिएकी थिइन् भने नेपाली महाबाणिज्यदूत डा बिन्देश्वर लेखकले हार्न बजाएर उद्घाटन गरेका थिए । 

उनले नेपाली समुदायबाट हङकङमा अन्तर्राष्ट्रिय स्तरमा दौड प्रतियोगिता हुनु मासिक पदमार्गहरू सरसफ़ाई गर्दै आएको संस्थाको कामप्रति सराहना गरे । 

किरात याकथुङ चुम्लुङ्- कलाङ् समूहको लिम्बु नृत्य र तामाङ ध्याधुड सोलो नृत्य अरूणा शर्माको एकल नृत्य प्रस्तुति थियो । 

प्रतियोगिता आयोजक संस्थाले विगत दुई वर्षदेखि वातावरण  र खेल लाई लक्षित गर्दै आएको छ । मासिक पदमार्गहरू सरसफ़ाई  बलबालिकाहरू लाई निःशुल्क दौड तालिम दिँदै आएको छ । 

विजयी धावकहरूलाई अध्यक्ष संस्थाका सल्लाहकारहरू प्रयोजकहरूबाट ट्रफी नगद  प्रदान गरिएको थियो ।