गोदरेज रेफ्रिजरेटर: टिकाउपन र विश्वसनीयताको नयाँ मापदण्ड नेपाली बजारमा
हाम्रा कुरा
प्रकाशित २०८३ वैशाख १२ शनिबार
201
Shares
काठमाडौँ। नेपाली उपभोक्ताका लागि टिकाउपन र विश्वसनीयता सधैँ पहिलो प्राथमिकता रहँदै आएको छ। यही आवश्यकतालाई केन्द्रमा राख्दै लामो इतिहास बोकेको भारतीय ब्रान्ड गोदरेजले आफ्ना उच्च गुणस्तरका रेफ्रिजरेटरमार्फत नेपाली बजारमा बलियो उपस्थिति बनाएको छ। नेपालमा सीजी इलेकट्रोनिक्स मार्फत उपलब्ध यी उत्पादनहरू विशेष गरी नेपालको अनियमित विद्युत् आपूर्ति, भोल्टेज उतारचढाव तथा दीर्घकालीन प्रयोगलाई ध्यानमा राखेर डिजाइन गरिएको कम्पनीले जनाएको छ।
गोदरेजको विश्वसनीयता केवल दाबीमा सीमित छैन—ब्रान्डले हालै भारतको सबैभन्दा विश्वसनीय ब्रान्ड २०२६/२७ को उपाधि प्राप्त गरेको छ, जसले यसको गुणस्तर र उपभोक्ता विश्वासलाई अझ मजबुत बनाउँछ।
यी रेफ्रिजरेटरहरू इन्भर्टर कम्प्रेसर प्रविधिसँग सुसज्जित छन्, जसले खानाको मात्रा र तापक्रम अनुसार आफैँ समायोजन गर्दै ऊर्जा बचत गर्नुका साथै दीर्घकालीन कार्यक्षमता सुनिश्चित गर्छ। कम्पनीका अनुसार, प्रत्येक युनिटलाई ५० डिग्री सेल्सियससम्मको उच्च तापक्रममा परीक्षण गरिएको छ, जसले कठोर वातावरणमा पनि भरपर्दो प्रदर्शन दिन्छ।
स्वास्थ्य सुरक्षालाई ध्यानमा राख्दै, गोदरेजले आफ्नो प्याटेन्टेड नानो शिल्ड टेक्नोलोजी समावेश गरेको छ, जसले खाद्य पदार्थको सतहमा रहेका ९५% भन्दा बढी कीटाणु तथा भाइरस नष्ट गर्ने दाबी गर्दछ। महामारीपछिको समयलाई मध्यनजर गर्दै यो सुविधा उपभोक्ताबीच विशेष आकर्षणको केन्द्र बनेको छ।
त्यसै गरी, ४-इन-१ कन्वर्टिबल मोडले प्रयोगकर्तालाई आवश्यकताअनुसार फ्रिजरलाई फ्रिजमा रूपान्तरण गर्न वा बिदाको समयमा फ्रिजको केही भाग बन्द गर्न अनुमति दिन्छ, जसले ऊर्जा खपत घटाउनुका साथै कम्प्रेसरको आयु लम्ब्याउँछ।
ऊर्जा दक्षता र ताप संरक्षणका लागि, २.२४ इन्च मोटाइको प्युफ इन्सुलेसन प्रयोग गरिएको छ, जसले बिजुली अवरोध भएको अवस्थामा पनि २४ घण्टासम्म चिसोपन कायम राख्न सहयोग पुर्याउँछ।
गोदरेज रेफ्रिजरेटरहरू नेपालभर सीजी इलेकट्रोनिक्सको आधिकारिक वितरण सञ्जालमार्फत सहजै उपलब्ध छन्। नयाँ वर्ष २०८३ मा, गोदरेज रेफ्रिजरेटर किन्दा रु. ३५,३०० सम्मको आकर्षक क्यासब्याक अफर पनि उपलब्ध छ।
