रास्वपाको महाधिवेशन आगामी असार ७ देखि चितवनमा हुने
हाम्रा कुरा
प्रकाशित २०८३ वैशाख ३० बुधबार
359
Shares
काठमाडौँ । राष्ट्रिय स्वतन्त्र पार्टी (रास्वपा) ले आफ्नो पहिलो महाधिवेशन आगामी असार ७, ८ र ९ गते चितवनमा गर्ने निर्णय गरेको छ। पार्टी सभापति रवि लामिछानेको अध्यक्षतामा मंगलवार बसेको कार्यसमिति बैठकले महाधिवेशनको मिति तय गरेको संसदीय दलका सचेतक प्रकाशचन्द्र परियारले जानकारी दिए।
पार्टी स्थापना भएको तीन वर्ष पुग्नै लाग्दा रास्वपाले पहिलो पटक महाधिवेशन गर्न लागेको हो। रास्वपा २०७९ साल असार ७ गते स्थापना भएको थियो। स्थापना दिवसकै अवसर पारेर पार्टीले आफ्नो साङ्गठनिक स्वरूपलाई पूर्णता दिन र भावी रणनीति तय गर्न यो महाधिवेशन आयोजना गर्न लागेको बताइएको छ।
बैठकले महाधिवेशनका लागि आवश्यक साङ्गठनिक तयारी र प्रतिनिधि छनोटका प्रक्रियाका विषयमा समेत प्रारम्भिक छलफल गरेको छ। चितवन रास्वपाको बलियो आधार क्षेत्र मानिने भएकाले पनि पार्टीले त्यहाँ महाधिवेशन गर्ने निर्णय गरेको देखिन्छ।
