रास्वपा सभापति लामिछानेले आज भाजपा नेतृत्वसँग भेटवार्ता गर्ने
हाम्रा कुरा
प्रकाशित २०८३ जेठ १९ मंगलबार
2.7k
Shares
काठमाडौँ। राष्ट्रिय स्वतन्त्र पार्टीका सभापति रवि लामिछाने नेतृत्वको प्रतिनिधिमण्डलले आज नयाँ दिल्लीस्थित भाजपा मुख्यालयमा उच्चस्तरीय राजनीतिक भेटवार्ता गर्ने भएका छन् ।
भारतीय जनता पार्टी (भाजपा) को निमन्त्रणामा भारत भ्रमणमा रहेका सभापति लामिछाने नेतृत्वको प्रतिनिधिमण्डलले आज नयाँ दिल्लीस्थित भाजपा मुख्यालयमा उच्चस्तरीय नेताहरूसँग राजनीतिक भेटवार्ता गर्ने लागेको हो ।
भेटमा दुवै पक्षबीच दुई देशका लोकतान्त्रिक शक्ति, दलगत अनुभव, राजनीतिक सहकार्य र आपसी सम्बन्ध सुदृढीकरणका विषयमा छलफल हुनेछ ।
सभापति लामिछाने पाँच दिने औपचारिक भ्रमणका लागि सोमबार भारत पुगेका थिए ।
यद्यपि भारतका प्रधानमन्त्री नरेन्द्र मोदीसँगको भेट निश्चित भइसकेको छैन।
सम्भावित भेटवार्तालाई लिएर दुवै देशबीचको राजनीतिक सम्बन्ध, आपसी हित र सहकार्यका विषयमा संवाद हुने अपेक्षा गरिएको छ।
