-
-
-
-
काठमाडौँ । प्रतिनिधि सभाअन्तर्गतको अर्थ समितिको बैठक मंगलवार सिंहदरबारमा बसेको छ।
सिंहदरबारस्थित समितिको सभा कक्षमा बिहान बसेको उक्त बैठकमा समितिको प्रस्तावित ‘मस्यौदा कार्यविधि’ माथि विस्तृत छलफल गरिएको छ।
समितिको आन्तरिक कार्यप्रणाली र सञ्चालन प्रक्रियालाई व्यवस्थित बनाउने उद्देश्यले ल्याइएको उक्त मस्यौदामाथि बैठकका सदस्यहरूले आ–आफ्नो धारणा राखेका छन्।
बैठकमा समितिको कामकारबाहीलाई कसरी चुस्त बनाउने भन्नेबारे छलफल भए पनि सञ्चारकर्मीहरूलाई भने बैठकमा बस्न दिइएको थिएन।
