स्वर्गद्वारी नगरपालिकाका उपप्रमुख रानाको बोलेरो दुर्घटनामा मृत्यु
हाम्रा कुरा
प्रकाशित २०८३ असार १४ आइतबार
304
Shares
लुम्बिनी । प्यूठानको स्वर्गद्वारी नगरपालिकाका उपप्रमुख मीनराज रानाको सवारी दुर्घटनामा मृत्यु भएको छ ।
उपप्रमुख रानाले शनिबार नगरपालिकाको लु।प्र।०१–००१ झ ०००८ नम्बरको नगरपालिकाको बोलेरो पिकअप गाडी आफैँ चलाएर स्वर्गद्वारीबाट धनवाङतर्फ जाँदै गरेको अवस्थामा दुर्घटना हुँदा मृत्यु भएको जिल्ला प्रहरी कार्यालय प्यूठानका प्रहरी नायब उपरीक्षक (डीएसपी) नरहरि अधिकारीले जानकारी दिए ।
स्वर्गद्वारी नगरपालिका–२ बाङ्गेसाल सडक खण्डमा स्वर्गद्वारीबाट धनवाङतर्फ जाँदै गर्दा नगरपालिकाको बोलेरो पिकअप जीप खाल भन्ने स्थानमा दुर्घटना भएको हो ।
दुर्घटनाग्रस्त गाडी सडकदेखि झण्डै ४०० मिटर तल खसेकाले थियो । उक्त गाडीलाई क्रेनको सहायताले तानेर उद्धार गरिएको र उपप्रमुख रानालाई उद्धार गरी उपचारका लागि भिङ्ग्री अस्पतालमा लगिएकामा स्वास्थकर्मीले मृत घोषणा गरेको प्रहरी नायब उपरीक्षक अधिकारीले जानकारी दिए ।
