-
-
-
-
काठमाडौं । युरोकप छनोट फुटबलमा शनिबार राति आठ खेल भएका छन् । ती खेलहरुमा दावेदार टिम विजयी भएका छन् ।
आठ खेलमा १९ गोलमात्र भएको छ । दुई भन्दा बढी कसैले गोल गर्न सकेनन् । २–१ र २–० को नतिजा नै बढी छ ।
समुह डी को खेलमा स्वीटजरल्याण्डले जर्जियालाई २–० ले हरायो । स्टेभन जुबेर र डेनिस जाकारियाले गोल गरे ।
आयरल्याण्डले भने जेफ हेन्रिकको गोलमा जिब्राल्टारलाई १–० ले हरायो ।
समूह एफ को खेलमा माल्टाले फारोइ आइल्याण्डलाई २–१ ले हरायो । त्यस्तै स्वीडेनले रोमानियालाई २–१ ले हरायो ।
रोबिन क्विसन र भिक्टर क्लासनले १–१ गोल गरे । रोमानियाका केसेरुले सान्त्वना गोल फर्काए ।
सोही समूहको स्पेनले नर्वेमाथि २–१ को जित निकाल्न सफल भयो । यो समूहका सबै खेल २–१ को नतिजामै सकिए । रोड्रिगो र सर्जियो रामोसले टिमका लागि गोल गरे ।
नर्वेका जोसुवा किंगले गोल गरे ।
समूह जे को खेलमा इटालीले फिनल्याण्डलाई २–० ले पराजित गर्यो । २०१८ को विश्वकपमै नछानिएको इटालीलाई जित दिलाउन निकोलो बारेल्ला र मोइस किनले गोल गरे ।
समूहका अन्य खेलमा ग्रीसले लेचटेन्सटेनलाई २–० ले तथा बोस्निया हन्ड हर्जगोृबिनाले अर्मेनियालाई २–१ ले हरायो ।
