युरोकप फुटबलमा इंगल्याण्ड र फ्रान्ससहित को को भए विजयी ?
हाम्रा कुरा
प्रकाशित २०७५ चैत १२ मंगलबार
381
Shares
काठमाडौं । युरोकप फुटबल छनोट भइरहेको छ । सोमबार रातिको खेलमा शीर्ष टिमहरु विजयी भएका छन् ।
समूह एचको खेलमा विश्वकप विजेता फ्रान्सले आइसल्याण्डमाथि ४–० को विशाल जित पाएको छ । फ्रान्सको जितमा सामुइल उम्टिटी, ओलिभर जिरु, काइलियान एम्बाप्पे र एन्टोइने ग्रिजम्यानले गोल गरे ।
फ्रान्सले निरन्तर राम्रो प्रदर्शन गर्दै आइरहेको छ ।
यो समूहको अर्को खेलमा अल्बानियाले एन्डोरालाई ३–० गोल अन्तरले हरायो भने टर्कीले मोल्डोभालाई ४–० ले हरायो ।
समूह बी को खेलमा सोमबार राति क्रिष्टियानो रोनाल्डोको पोर्चुगलले सर्बियासंग १–१ गोलको बराबरी खेल्यो । सर्वियाले ७ मिनेटमै डुसान टाडिकको पेनाल्टी गोलबाट अग्रता लियो । ४२ औं मिनेटमा डानिलो पेरेइराले बराबरी गोल गरे ।
समूह बी को अर्को खेलमा लग्जेम्बर्गले युक्रेनलाई २–१ को हारको नतिजा सुम्पियो ।
समूह ए को खेलमा इंगल्याण्डले मोन्टेनेग्रोलाई ५–१ गोल अन्तरले हरायो । रोस बार्कलीले २ गोल गरेको खेलमा ह्यारी काने, रहिम स्टर्लिङ र माइकल किनले १–१ गोल गरे ।
अर्को खेलमा कोसोभोले बुल्गेरियालाई १–१ गोलको बराबरीमा रोक्यो ।
