काठमाडौं । युरोकप छनोट फुटबलमा सोमबार राति १२ खेल भएको छ । १२ खेलमा ४५ गोल भएको छ ।
केही पत्यारिला र केही अपत्यारिला नतिजा पनि आएका छन् । समूह ए को खेलमा कोसोभोले बुल्गेरियालाई ३–२ ले हरायो । चेक गणतन्त्रले मोन्टेनेग्रोलाई ३–० ले हरायो ।
समूह बी को खेलमा सर्बियाले लिथुआनियालाई ४–१ ले हरायो । युक्रेनले लग्जेम्बर्गलाई १–० ले हरायो ।
समूह डी को खेलमा डेनमार्कले जर्जियालाई ५–१ ले हरायो । आयरल्याण्डले जिब्राल्टारलाई २–० ले हरायो ।
समूह एफमा नर्वेले फारोइ आइल्याण्डलाई २–० ले हरायो । रोमानियाले माल्टालाई ४–० ले हरायो ।
स्पेनले स्वीडेनलाई ३–० ले हरायो । सर्जियो रामोस र अल्भारो मोराटाले पेनाल्टीमार्फत गोल गरे भने माइकेल ओयारजाबालले पनि एक गोल थपे ।
समूह जी को खेलमा अष्ट्रियाले नर्थ मेसेडोनियालाई ४–१ ले हरायो । स्लोभेनियाले लात्भियालाई ५–० ले हरायो ।
पोल्याण्डले इजरायललाई ४–० ले हरायो ।
अंक तालिका–
समूह ए मा इंगल्याण्ड र चेक गणतन्त्रको समान ६–६ अंक छ भने कोसोभोको ५ तथा मोन्टेनेग्रो र बुल्गेरियाको २–२ अंक छ ।
समूह बी मा युक्रेनको १० अंक छ भने लग्जेम्बर्ग र सर्बियाको ४–४, पोर्चुगलको २ र लिथुआनियाको १ अंक छ ।
समूह डी को खेलमा आयरल्याण्ड १० अंकसहित शीर्ष स्थानमा छ । डेनमार्क ५ अंकबाट दोस्रो, स्वीटजरल्याण्ड ४ अंकबाट तेस्रो, जर्जियाको ३ अंक र जिब्राल्टार अंकविहिन छ ।
समूह एफमा चौथो चरणको समाप्तिसम्म १२ अंकबाट स्पेन शीर्ष स्थानमा, ७ अंकबाट स्वीडेन र रोमानिया दोस्रो र तेस्रो स्थानमा, नर्वे ५ अंकबाट चौथो, माल्टाको ३ अंक र फारोइ आइल्याण्ड अंकविहीन रहेको छ ।
समूह जी मा चौथो चरणको समाप्तिसम्म १२ अंकबाट पोल्याण्ड पहिलो, ७ अंकबाट इजरायल दोस्रो, ६ अंकबाट अष्ट्रिया तेस्रो, ५ अंकबाट स्लोभेनिया चौथो, ४ अंकबाट नर्थ मेसेडोनिया पाँचौं र ० अंकबाट लात्भिया पुछारमा छ ।
