बराबरीले नै युरोकपमा छानियो स्पेन, अहिलेसम्म को को छानिए ?

हाम्रा कुरा

प्रकाशित २०७६ असोज २९ बुधबार

काठमाडौं । स्पेन सन् २०२० मा हुने युरोकप फुटबलमा छनोट भएको छ । समूह ‘एफ’ बाट खेलिरहेको स्पेनले मंगलबार रातिको खेलमा स्वीडेनसंग १–१ गोलको बराबरी खेले पनि तीन पटकको च्याम्पियन स्पेन युरोकपमा छनोट भएको हो ।

खेलको ५० औंं मिनेटमा मार्कस बर्गले गोल गर्दै स्वीडेनलाई अगाडि बढाए पनि ईन्जुरी समयमा रोड्रिगोले गोल गर्दै स्पेनलाई बराबरीमा ल्याएका थिए । त्यही एक अंक नै स्पेनलाई छनोट हुन काफी भयो ।

८ खेलबाट स्पेनको २० अंक छ भने दोस्रो स्थानको स्वीडेनको १५ तथा तेस्रो स्थानको रोमानियाको १४ अंक छ । अन्तिम खेलमा स्वीडेन र रोमानिया आपसमा भिड्ने भएकाले स्पेनको छनोट पक्का भएको हो ।