झापा । झापाको शिवसताक्षी स्थित किराँत चोकमा सार्वजनिक बस तोडफोड भएको छ । पूर्वपश्चिम राजमार्ग अन्तरगत पर्ने किराँत चोकमा अपरिचित युवाहरुले तोडफोड गरेको झापा प्रहरीले जनाएको छ ।
धरानबाट काँकरभिट्टातर्फ जाँदै गरेको उक्त यात्रुवाहक बसमा नेत्र विक्रम चन्द विप्लव नेतृत्वको नेकपाका कार्यकर्ताले ढुंगामुडा तथा खुकुरी प्रहार गरि सिसा फुटाइदिएको प्रहरीको दाबी छ ।
करिब मध्यान्न १२ बजेतिर चलिरहेको बस रोकेर तोडफोड उत्रिएका हुन । तोडफोडका कारण बसको अग्रभाग र झ्यालका सिसाहरु फुटेका छन् ।
आफ्ना कार्यकर्तालाई रिहाइको माग राख्दै शनिबार देशभर विप्लव समूहले नेपाल बन्दको आव्हान गरेको थियो । सो घटना समेत विप्लव समूहबाट हुनसक्ने सुरक्षा अधिकारीहरुले जानकारी दिएका छन्
बा४ख ८८९७ नम्बरको गजुरमुखी यातायातमा तोडफोड भएपछि बस ईलाका प्रहरी कार्यालय झिलझिलेमा राखिएको छ ।
तोडफोडमा संलग्नहरुको खोजी भइरहेको जिल्ला प्रहरी कार्यालय झापाका प्रवक्ता राकेश थापाले जानकारी दिए ।
