एफए कपमा टोटनह्याम बाहिरियो, को को पुगे क्वार्टरफाइनलमा ?

एफए कपमा टोटनह्याम बाहिरियो, को को पुगे क्वार्टरफाइनलमा ?

प्रकाशित २०७७ माघ २९ बिहिबार

काठमाडौं । एफए कप फुटबलमा टोटनह्याम हट्सपर पराजित भएको छ । टोटनह्याम प्रिक्वार्टरफाइनलबाटै बाहिरिएको हो । बुधबार राति भएको खेलमा एभर्टनसँग ५–४ गोल अन्तरले पराजित हुँदै टोटनह्याम बाहिरिएको हो ।

आफ्नै मैदानमा खेलेको एभर्टनलाई जित दिलाउने क्रममा बर्नार्डले निर्णयक गोल गरेका थिए । त्यसअघि रिचार्लिसनले २ तथा डोमिनिक काल्भर्ट लेविन र जिल्फी सिगुर्डसनले एक एक गोल गरेका थिए ।

निर्धारित ९० मिनेटको खेलमा ४–४ गोलको बराबरी भएको थियो । टोटनह्यामका लागि डेभिन्सन सान्चेजले दुई तथा ह्यारि केन र एरिक लामेलाले एक एक गोल गरे ।