-
-
-
-
कावासोती । चितवन राष्ट्रिय निकुञ्जको पश्चिमी सेक्टरमा अन्दाजी ३० वर्षको गैँडा मृत फेला परेको छ ।
निकुञ्जको पश्चिमी सेक्टर (पूर्वी नवलपरासी क्षेत्र ) अमल टारीको गिद्धेनी पोस्टको २०० मिटर नजिक नारायणी नदी छेउमा अन्दाजी ३० वर्षको गैँडा मृत फेला परेको निकुञ्जका सूचना अधिकारी लोकेन्द्र अधिकारीले जानकारी दिएका छन् ।
नारायणी नदीको भँगालो तर्ने क्रममा ढिस्को उक्लिन नसकेर उत्तानो परी गैँडा मरेको हुन सक्ने अनुमान गरिएको अधिकारीले बताए । मृत गैँडाको खाग खुर सुरक्षित रहेको अधिकारीले बताए ।
यो सँगै यस आर्थिक वर्षमा मर्ने गैँडाको सङ्ख्या २४ पुगेको छ । २४ मध्य ४ वटा गैँडा चोरी शिराकीको कारण र २० वटा गैँडा प्राकृतिक कारणले मरेको अधिकारीले जानकारी दिएका छन् ।
