योङ्गस्टार तेस्रो निजगढ मेयर कप फुटबलको सेमिफाइनलमा

नवराज चौलागाईं

प्रकाशित २०७७ फागुन ८ शनिबार

निजगढ । योङ्गस्टार युवा क्लव तेस्रो निजगढ मेयर कप फुटबल प्रतियोगिताको सेमिफाइनलमा प्रवेश गरेको छ । शनिबार सम्पन्न तेस्रो क्वाटरफाइनलमा एफसी कोलगाउलाई २-१ गोल अन्तरले पराजित गर्दै योङ्गस्टार प्रतियोगिताको सेमिफाइनलमा प्रवेश गरेकोहो ।

योङ्गस्टारको जितमा खेलको २० औं मिनेटमा अरुण लामाले गोल गर्दै टिमलाई अग्रता दिलाएका थिए । प्रतिस्पर्धात्मक खेलको ७३ औं मिनेटमा कोलगाउले बिराज लामाले गोल गर्दै खेल बराबरीमा ल्याएकाथिए । कोलगाउले खेल बराबरी गरेको १ मिनेट पश्चात नै योङ्गस्टारले प्राप्त गरेको कर्नरमा अनिल लामाले हेड मार्फत गोल गर्दै पुनः अग्रता दिलाएका थिए ।

कोलगाउले खेलमा फर्कने निरन्तर प्रयास गरेपनि गोल हुन नसकेपछि योङ्गस्टारले नतिजा आफ्नो पक्षमा पायो । खेलको म्यान अफ द म्याच योङ्गस्टारका कप्तान रोशन लामा भए ।

प्रतियोगिता अन्तर्गत सेमिफाईनल प्रवेशकालागि अन्तिम क्वार्टरफाईनलको खेलमा आईतबार बाघभैरव युवा क्लव र निजगढ युवा क्लव ए बीच प्रतिस्पर्धा हुनेछ । बाघभैरव पहिलो चरणमा निजगढ युनाईटेडलाई पराजित गर्दै क्वाटरफाइनलमा अप्रवेष गरेकोहो भने निजगढ युवा क्लव ए निजगढ १३ युवा क्लवलाई पराजित गर्दै क्वार्टरफाईनलमा प्रवेश गरेकोहो ।

खेल शहिद हिरालाल रंगशालामा २ः३० बजेदेखि हुनेछ । प्रतियोगिताको बिजेताले १ लाख रुपैंया प्राप्त गर्नेछ भने उपविजेताले ४५ हजार रुपैंया प्राप्त गर्नेछ ।