मोरङ । मोरङको डाँगिहाटमा जारी प्रदेश स्तरीय खुल्ला नकआउट फुटवल प्रतियोगिताको उपाधी पथरी स्पोटिङ क्लव मोरङले चुम्न सफल भएको छ ।
शनिवार भएको फाइनल खेलमा डाँडाबजार फुटवल क्लव धनकुटालाई २-१ गोल अन्तरले हराउँदै पथरी स्पोटिङ क्लव विजयी हुन सफल भएको हो । खेल सुरु भएको ८ औं मिनेटमै पथरीका विसाल पाण्डेले प्रहार गरेको वलले जाली चुम्न सफल बनाउँदै आफ्नो टिमको खाता खोल्न सफल भएका भएको थियो ।
त्यसको लगत्तै २४औं मिनेटमा धनकुटाका संजय रम्तेलले प्रहार गोल गर्दै खेललाई बराबरीमा पुर्याए । खेल समयावधी भित्र बराबरीमा रहेको निक्कै प्रतिस्र्धात्मक उक्त खेलको थप एक मिनेट समयमा पथरीका मन्दिप धिमालले गोल गरेर आफ्नो टिमलाई विजयी बनाउन सफल भए ।
विजेता टिमले नगद १ लाख १ हजारसहित मेडल र प्रमाणपत्र पाए र उपविजेताल टिमले नगद ५१ हजार सहित मेडल र प्रमाणपत्र प्रप्त गरे । विजेता टिमलाई कार्यक्रमका प्रमुख अतिथी वुद्ध एयरको प्रतिनीधी शालिग्राम बस्नेत र विशिष्ठ अतिथी मोरङ एन्फाका अध्यक्ष दिपेन्द्र धिमालले पुरष्कार वितरण गरे ।
प्रतियोगिता अन्तर्गत विधागत पुरष्कारहरुका खेलको म्यान अफ दि म्याच पथरीका मन्दिप धिमाल घोषित भए उनल नगद २ हजार पाँच सय प्राप्त गरे । त्यसैगरी उत्कृष्ट गोल किप्परमा पथरीका मनोज गुरुङ, उदयमान खेलाडीमा आयोजकका सुरेन्द्र खवास, उत्कृष्ट डिफेन्समा निमोन लिम्बु, उत्कृष्ट मिड फिल्डर पथरीका संजय लिम्बु, उत्कृष्ट फरवार्ड धनकुटाका विवेश गुरुङ, उत्कृष्ट कोच पथरीका सुमन विक, हाईस्कोर धनकुटाका संजय रम्तेल घोषित भए ।
उनीहरु सबैले ५ हजारका दरले नगद पाए भने, म्यान अफ द सिरिज धनकुटाका एलोन राई घोषित भए । उनले नगद १० हजार प्राप्त गरे । वद्ध एयरको मुख्य प्रायोजनमा भएको उक्त प्रतियोगितामा प्रदेश भरीका आठ टिम सहभागी थिए । मोरङको बेलबारी ९ डाँगिहाटस्थित डाँगिहाट जागृती युवा क्लवको आयोजनामा उक्त खेल भएको थियो ।
