कोरोना महामारी नियन्त्रणमा सहयोग गर्न क्रिकेटर सन्दीपले चाले अभियान
हाम्रा कुरा
प्रकाशित २०७८ जेठ ३ सोमबार
1.8k
Shares
फाइल तस्विर।
काठमाडौं । कोरोना भाइरसको महामारीले विकराल रुप लिएका बेला सबैले आआफ्नो क्षेत्रबाट भूमिका निभाइरहेका छन् । यस्तोमा क्रिकेटर सन्दीप लामिछानेले नेपालमा महामारीका कारण चुलिएको सङ्कट न्यूनीकरणका लागि सहयोग गर्न एक अभियान सुरु गरेका छन् ।
अक्सिजन, आइसियु बेड, भेन्टिलेटर, अक्सिजन सिलिण्डरको अभाव भइरहेका बेला यस्ता अत्यावश्यक कुराहरूको सहयोगका लागि आर्थिक अभियान चालेका हुन् । सेन्चुरी कमर्सियल बैंकमा आजै खाता खोलेर रकम सङ्कलन गर्ने र सो रकम आवश्यक परेकाहरूको लागि खर्च गर्ने उनले बताएका छन् ।
महामारीको सङ्कट रोकिने बित्तिकै खाता बन्द गर्ने र सङ्कलित सम्पूर्ण रकमको हिसाब सार्वजनिक गर्ने र सबै लेखाजोखा पारदर्शी राख्ने समेत उनले बताएका छन् । इच्छुकहरूलाई सहयोगको आह्वान गर्दै उनले आफ्नो ट्विटर अकाउन्ट बैङ्कको विवरण उल्लेख गरेका छन् ।
सन्दिपले उक्त अभियानमा आफ्नो टिमको तर्फबाट तीन लाख रुपियाँ जम्मा गरेर अभियानको शुरुवात गरेका छन्। उनले अभियानका लागि ईच्छुक दाताले पैसा जम्मा गर्न उनले विवरण पनि दिएका छन्।
