-
-
-
-
काठमाडौं । कार्लो एन्सेलोटीले जिनेदिन जिदानलाई विस्थापित गरेका छन् । स्पेनिश फुटबल क्लब रियाल मड्रिडले एन्सेलोटीलाई मुख्य प्रशिक्षक नियुक्त गरेको हो ।
रियालले मंगलबार इटालियन प्रशिक्षक एन्सेलोटीलाई मुख्य प्रशिक्षक नियुक्त गरिएको जनाएको छ । एन्सेलोटीले रियालसँग तीन वर्षको सम्झौता गरेका छन् । उनी सन् २०२४ सम्म रियालमा रहने छन् ।
मुख्य प्रशिक्षक जिदानले क्लब छाडेपछि रियालले पूर्व प्रशिक्षक एन्सेलोटीलाई क्लब फर्काएको हो । एन्सेलोटीले २०१३ देखि १५ सम्म रियलको टिम सम्हालेका थिए ।
६१ वर्षीय अनुभवी प्रशिक्षक इङ्गलिश क्लब एभर्टनको मुख्य प्रशिक्षक रहेका छन् ।
