पोखरा । पोखराका अग्रज पत्रकार यज्ञराज बाँस्तोलाको निधन भएको छ । उनको बुधवार राति पोखरास्थित चरक मेमोरियल अस्पतालमा ७१ वर्षको उमेरमा निधन भएको हो । बास्तोला लामो समय पत्रकारितामा क्रियाशील थिए ।
पत्रकार बाँस्तोला दुई साता अघि कोरोना संक्रमित भएका बाँस्तोलाको दुई साता अघि पोखराको रिजनल अस्पतालमा उपचार भएको थियो । जेठ २५ गतेपछि भने चरक मेरोरियलमा उपचार भइरहेका थियो । उपचारकै क्रममा उनको निधन भएको हो । कास्कीको पुरन्चौरमा जन्मिएका बाँस्तोलाका श्रीमती, ३ छोरा र एक छोरी छन् ।
यसैबिच नेपाल पत्रकार महासङ्घ कास्कीले अग्रज पत्रकार बाँस्तोलाको निधनप्रति दुःख व्यक्त गरेको छ । सङ्घकी अध्यक्ष विमला भण्डारीले बाँस्तोलाको निधनले नेपाल पत्रकार महासङ्घ र पत्रकारिता क्षेत्रमा अपूरणीय क्षति पुगेको बताएकी छन् ।
यस्तै, पत्रकार बाँस्तोलाको निधनप्रति स्वतन्त्र पत्रकार सङ्घ नेपाल कास्की शाखाले दुःख व्यक्त गरेको छ । सङ्घका अध्यक्ष असफल गौतमले एक शोक विज्ञप्ति जारी गर्दै पत्रकार बाँस्तोलाको निधनले पत्रकारिता क्षेत्रमा अपूरणीय क्षति पुगेको उल्लेख गरेका छन् ।
बास्तोला नेपाल पत्रकार महासङ्घ कास्कीका सदस्य एवं स्वतन्त्र पत्रकार सङ्घ नेपालका संस्थापक सदस्य हुन् ।
