-
-
-
-
काठमाडौं । युरोकप फुटबलको १६ औं संस्करण (युरो २०२०) शुरू भएको छ । शुक्रबार राति भएको उद्घाटन खेलमा इटालीले शानदार शुरूआत गरेको छ । इटालीको रोममा भएको खेलमा टर्कीलाई ३–० गोल अन्तरले पराजित गर्दै इटालीले शानदार एवं सुखद शुरूआत गरेको हो ।
इटालीलाई जित दिलाउन सिरो इमोबाइल र लोरेन्जो इन्सिन्याले एक एक गोल गरे । इटालीले एक गोल आत्मघाती उपहार पाएको थियो ।
खेलको ५३ औं मिनेटमा टर्कीका मेरिह डेमिरलको आत्मघाती गोलबाट इटालीले शुरूआती अग्रता बनाएको थियो ।
युरोकपको इतिहासमा पहिलो पटक पहिलो गोल आत्मघाती गोल भएको हो । जितसँगै समूह ‘ए’ को इटालीले पहिलो खेलमा महत्वपूर्ण ३ अंक जोडेको छ । इटाली तालिकाको शीर्ष स्थानमा रहेको छ ।
समूह एमा इटाली र टर्कीसहित वेल्स र स्वीटरजरल्याण्ड रहेका छन् ।
