-
-
-
-
पाँचथर । पाँचथरको फिदिम नगरपालिका वडा नम्बर ४ जोरसाल बजार नजिकै ७५ वर्षीय ज्येष्ठ नागरिकको हत्या भएको छ । उनको शनिवार राती हत्या भएको प्रहरीले जनाएको छ । जोरसाल बजार नजिकै इँटा भट्टा छेउमा बस्दै आएका टेकबहादुर लिम्बूको राती हत्या भएको प्रहरीले जनाएको छ ।
उनको टाउको र शरीरमा गम्भीर चोट लागेको छ । श्रीमती प्यारालाइसिस सहित बोली नआउने अवस्थामा रहेकाले तत्काल घटना सार्वजनिक हुन सकेन । घट्नाबारे जानकारी पाउनासाथ त्यहाँ पुगेको प्रहरीले घटनास्थललाई नियन्त्रणमा लिई अनुसन्धान थालेको छ ।
चार जनाको समूहमा आएका व्यक्तिहरूले हत्या गरेको मृतककी श्रीमतीले जानकारी दिएकी छिन । घट्नाको थप विवरण आउन बाँकी छ ।
