बलियो स्पेनको फितलो शुरूआत, स्वीडेनसँग अंक बाँड्यो

हाम्रा कुरा

प्रकाशित २०७८ असार १ मंगलबार

काठमाडौं । १६ औं संस्करणको युरोकप फुटबलमा स्पेनले फितलो शुरूआत गरेको छ । स्पेन सोमबार रातिको खेलमा स्वीडेनसँग बराबरी खेलेको हो । स्पेनको सेभियामा भएको खेलमा घरेलु टोलीले गोलरहित बराबरी खेलेको हो ।

घरेलु मैदानमा बल पोसेसनमा पकड जमाए पनि गोल गर्न नसक्दा स्पेनले बराबरीमा चित्त बुझाएको हो । अल्भारो मोराटा र जेरार्ड मोरेनोले गोल गर्ने उत्कृष्ट अवसर खेर फालेका थिए ।

त्यस्तै मार्कस बर्ग खाली नेटमा समेत गोल गर्न असफल भए । स्पेन ४–३–३ र स्वीडेन ४–४–२ को फर्मेशनमा खेलेको थियो ।

यो खेलपछि समूह ई मा स्लोभाकिया ३ अंकसहित शीर्ष स्थानमा रहेको छ । स्लोभाकियाले सोमबार राति भएको खेलमा पोल्याण्डलाई पराजित गर्दै स्लोभाकिया विजयी भएको हो ।