-
-
-
-
पाँचथर । पाँचथरमा कोरोना संक्रमित एक युवकको पाँचथर अस्पतालमा निधन भएको छ । उनी फालेलुङ गाउँपालिका रहेको बताइएको छ । उनी फिदिम नगरपालिका २ पल्लोटार बस्दै आएका थिए । उनको बिहीबार राति अस्पतालमा निधन भएको हो ।
उनलाई असार १ गते कोरोना सङ्क्रमण पुष्टि भएको थियो । एक रात अस्पतालमा रहेका उनी होम आइसोलेसनमा बस्ने भन्दै घर गएका थिए । स्वास्थ्यमा थप समस्या भएपछि उनलाई बिहीबार बिहान अस्पताल भर्ना गरिएको थियो ।
पाँचथर अस्पतालमा उपचार गराइरहेका उनलाई थप उपचारका लागि झापा लैजाने तयारी गरिरहेका बेला उनको निधन भएको पारिवारिक स्रोतले जनाएको छ ।
