-
-
-
-
पोखरा। रोल्पा थवाङका एक युवक मुस्ताङमा मृत अवस्थामा भेटिएका छन्। उक्त शव २२ वर्षका नाकाश पुन रहेको गण्डकी प्रदेश प्रहरी कार्यालय पोखराले जनाएको छ।
उनको शव शनिवार मुस्ताङको थासाङ गाउँपालिका–१ थापाखोलास्थित थापाखोला हाइड्रोपावरको २ नम्बर ड्याम जाने बाटोको सोही खोलाको किनारमा भेटिएको हो।
ती युवक मुस्ताङको थासाङ गाउँपालिका–१ टुकुचेस्थित खेती किसानी मजदुरी काम गर्दै आएको प्रहरी नायव उपरीक्षक श्रवण कुमार विकले जानकारी दिए।
उनको मृत्युको कारण खुल्न सकेको छैन। प्रहरीले अनुसन्धान सुरु गरेको विकले बताए।
