-
-
-
-
झापा । झापा जिल्लाको बाह्रदशी गाउँपालिकामा आइतबार राती सवारी दुर्घटना हुँदा एक युवतीको मृत्यु भएको छ।
लक्ष्मीपुर-फूलबारी सडक खण्ड अन्तर्गत बाह्रदशी गाउँपालिका वडा नम्बर ७ मा कार र स्कुटर ठक्कर खादा एक युवतिको ज्यान गएको छ ।
प्रहरीका अनुसार चालकले मादक पदार्थ सेवन गरेर कार चलाउँदा स्कुटरमा सवार युवतीको मृत्यु भएको जनाइएको छ ।
लक्ष्मीपुर-फूलबारी सडक अन्तर्गत बाह्रदशी गाउँपालिका वडा नम्बर ७ मा आइतबार राति ८:४५ बजे कारले स्कुटरलाई ठक्कर दिएको थियो ।
प्रदेश १-०१-०१२ प १९४२ नम्बरको स्कुटरको पछाडि सवार सिरहाको लहान नगरपालिका बस्ने सरस्वती मगरको घटनास्थलमै मृत्यु भएको हो।
दुर्घटनामा परि स्कुटर चालक बाह्रदशी गाउँपालिका वडा नम्बर ७ बस्ने प्रमिता कार्की गम्भीर घाइते भएकी छन् ।
घाइते प्रमिताको बिर्तामोड स्थित विएण्डसी अस्पतालमा उपचार भइरहेको प्रहरीले जनाएको छ।
