-
-
-
-
कावासोती । कावासोतीको खरकट्टामा मोटरसाइकल दुर्घटना हुँदा मध्यविन्दु-३ का २१ वर्षीय अमर अधिकारीको ज्यान गएको छ ।
पूर्वपश्चिम सडक खण्डको कावासोती-२ स्थित खरकट्टा जङ्गलमा पूर्वबाट पश्चिम तर्फ आउँदै गरेको ना २ ख ७५५५ नं. को ट्रक र सोही दिशाबाट आइरहेको लु ४६ प ४७५८ नं. को मोटरसाइकल एक आपसमा ठक्कर खाँदा मोटरसाइकल चालक अमर अधिकारीको ज्यान गएको नवलपुर प्रहरीले जनाएको छ ।
दुर्घटनामा गम्भीर घाइते भएका अधिकारीको उपचारको क्रममा मध्य विन्दु जिल्ला अस्पतालमा साँझ ६ बजे ज्यान गएको हो । त्यसै गरी मोटरसाइकलमा पछाडि बस्ने ममता खाँण घाइते भएको र नवलपुर अस्पतालमा उपचार भइरहेको प्रहरीले जनाएको छ ।
ठक्कर दिने ट्रक र ट्रक चालक दुवै प्रहरी नियन्त्रणमा रहेको प्रहरीले जनाएको छ ।
