-
-
-
-
हेटौंडा । मकवानपुरस्थित राप्ती खोलामा मालवाहक ट्रक खस्दा १ जनाको मृत्यु भएको छ । शुक्रबार बिहान साढे ६ बजे त्रिभुवन राजपथ अन्तर्गत मकवानपुरको भीमफेदी १ सुपारेटार ब्यारेक नजिक फलाम बोकेको ट्रक राप्ती खोलामा खस्दा ट्रकमा सवार सिन्धुली लामंटार १ निवासी वर्ष २८ को भोजराज बस्नेतको मृत्यु भएको जिल्ला प्रहरी कार्यालय मकवानपुरले जनाएको छ ।
दुर्घटनामा २ जना घाइते भएका छन् । मोरंग सुन्दर हरैचा ८ बस्ने ३१ बर्षिय ट्रक चालक राजन बास्कोटा र सहचालक २४ बर्षिय सरोज आचार्य घाइते भएका हुन् । उनीहरुको हेटौंडा स्थित चुरेहिल अस्पतालमा उपचार भैरहेको जिल्ला प्रहरी कार्यलय मकवानपुरका प्रहरी प्रवक्ता जयश्वर रिमालले जानकारी दिए ।
फलाम बोकेर काठमाडौं जाँदै गरेको प्रदेश १–०२–००१ ख ८७५९ नंबरको आईचर ट्रक आफै अनियन्त्रित भई खोलामा खसेको प्रहरीले जनाएको छ ।
