आइएनएन ।  अक्सिजन आपूर्ति देखि लिएर कोभिड खोप, मास्क र परीक्षण किट, महामारीको सङ्कटको घडीमा पनि भारतले दक्षिण एसियाली क्षेत्रीय सहयोग सङ्गठन (सार्क) देशहरूलाई सबै सम्भावित तरीकाले सहयोग गरेको छ।

भारतमा पनि महामारीको समस्या थियो तापनि भारत आफ्नो अन्तर्राष्ट्रिय जिम्मेवारी र "वसुधैव कुटुम्बकम" (संसार एक परिवार हो) को मन्त्र को पालना गर्न पछि हटेन। प्रधानमन्त्री मोदीले सार्क देशहरूलाई कोभिड विरुद्ध लड्न एकजुट गरे।

कोभिड १९ महामारीको सामना गर्न भारत सार्क सहयोगको नेतृत्व गर्दै आएको छ। कोभिड स्थिति को सन्दर्भमा भारतीय प्रधानमन्त्री नरेन्द्र मोदीले महामारीको सुरुवात देखि नै सार्क राष्ट्रहरू का नेताहरूसँग कुराकानी गरेका थिए।

सन् २०२० मार्च महिनाको १५ तारिख मा प्रधानमन्त्री मोदीले सार्क नेताहरूसँग भिडियो सम्मेलनको माध्यमबाट कोभिड १९ को सामना गर्न एक साझा रणनीतिको रूपरेखा मा कुराकानी गरेका थिए।

सबै देशहरू को स्वैच्छिक योगदान को आधार मा, उनले सार्क देशहरू को लागी एक कोभिड -१९ आपत्कालीन कोष को स्थापना को प्रस्ताव राखेका थिए । भारतले कोषको लागी एक करोड अमेरिकी डलर को प्रारम्भिक प्रस्ताव राखेको थियो। डाक्टरहरू र विशेषज्ञहरूको द्रुत प्रतिक्रिया टोली गठन, परीक्षण किट र अन्य उपकरणहरू राखी महामारी को सामना गर्नका लागि राष्टहरुलाई तयार पार्‍यो।

प्रधानमन्त्रीले छिमेकी देशहरूका आपत्कालीन प्रतिक्रिया टोलीहरूको लागी अनलाइन प्रशिक्षण कार्यक्रम को व्यवस्था पनि गरेका थिए। साथै उनले भारतको एकीकृत रोग निगरानी पोर्टल को सफ्टवेयर पनि साझा गरेका थिए जसको मद्दतले सम्भावित भाइरस वाहकहरू र उनीहरूको सम्पर्कमा आएका को पहिचान गर्न सकिन्छ।

यसै वर्ष फेब्रुअरी १८ तारिखमा, प्रधानमन्त्री मोदीले सार्क स्वास्थ्य सचिव स्तरीय बैठकको आयोजना गरेका थिए। जसमा उनले कोभिड १९ सङ्कटमा वस्तुतः सम्बोधन गरेका थिए। उनले महामारीको बिचमा डाक्टरहरू र नर्सहरूका लागी एक विशेष भिसा योजना को निर्माण को प्रस्ताव गरे। साथै उनले क्षेत्रीय हवाई एम्बुलेन्स सेवा सुरु गर्ने र कोभिड १९ खोप को समन्वित अध्ययनका लागि एक मञ्च को निर्माण गर्ने पनि प्रस्ताव राखे।

भारतले कसरी सार्क राष्ट्रहरूलाई महामारीको सामना गर्न मद्दत गरेको छ

नेपाल
बिहीबार भारतले कोभिड १९ महामारीको सामना गर्न सहयोग पुर्‍याउन नेपाललाई चिकित्सा अक्सिजन प्लान्ट उपहार स्वरूप प्रदान गरेको छ। काठमाण्डौस्थित भारतीय दूतावासका अनुसार यो प्लान्ट प्रति व्यक्ति ५ एलपीएम (लिटर प्रति मिनेट) प्रदान गर्न को लागी डिजाइन गरिएको हो, जसको कुल क्षमता ९ सय ६० एलपीएम रहेको छ। सन् २०२१ अप्रिल २२ तारिख मा भारतले नेपाललाई २३ टन औषधि र परीक्षण किट उपहार दिएको थियो।

सन् २०२१ मे महिनामा भारतले नेपाललाई स्वदेश निर्मित ३० हजार कोभिड १९ भाइरस पहिचान गर्ने क्वालिटेटिभ रिभर्स ट्रान्सक्रिप्शन पोलिमरेज चेन रिएक्शन (आरटी-पीसीआर) परीक्षण किट प्रदान गरेको थियो। जुन महिनामा भारतीय सेनाले नेपाली सेनालाई १८ करोड भन्दा बढीको चिकित्सा सहायता प्रदान गरेको थियो। भारतीय सेनाले भेन्टिलेटर, एम्बुलेन्स, सघन देखभाल इकाई शैय्या, व्यक्तिगत सुरक्षा उपकरण सेट र पीसीआर परीक्षण किट सहित चिकित्सा सहायता हस्तान्तरण गरेको थियो।

बङ्गलादेश
भारतले बिहीबार लगभग २० टन आवश्यक चिकित्सा उपकरण, जीवन रक्षक सहायक उपकरण सहित ४० एम्बुलेन्स हस्तान्तरण गरेको छ।प्रधानमन्त्री मोदीले २६-२७ मार्चमा आफ्नो भ्रमणका क्रममा बङ्गलादेशलाई १०९ वटा एम्बुलेन्स उपहार दिने घोषणा गरेका थिए। अहिले सम्म, बांग्लादेश ले ७१ वटा एम्बुलेन्स प्राप्त गरिसकेको छ। दुई हप्ता अघि ढाकाले एक खरिद सम्झौता अन्तर्गत १ सय ८६ टन तरल चिकित्सा अक्सिजन बोकेको सातौँ अक्सिजन एक्सप्रेस ट्रेन प्राप्त गरेको थियो। बङ्गलादेशका अस्पतालहरूमा कोभिड १९ सङ्क्रमित बिरामी को उपचार का लागि भारतले पहिलो खेप जुलाई २४ तारिख मा पठाएको थियो।

सन् २०२१ जनवरी महिनामा भारतले बङ्गलादेशलाई कोभिड १९ खोपको २० लाख खुराक पठाएको थियो।मार्च महिनाको २५ तारिख मा ढाकाले ३० हजार सर्जिकल मास्क र १५ हजार टोपी प्राप्त गरेका थिए। दोस्रो खेपमा ५० हजार सर्किजल लेटेक्स पन्जा र १ लाख हाइड्रोक्सीक्लोरोक्विन औषधि ट्याब्लेटहरू प्राप्त गरेका थिए। सन् २०२१ मे महिनामा भारतले बङ्गलादेशलाई आपत्कालीन चिकित्सा सहायताको रूपमा ३० हजार कोभिड १९ परीक्षण किट पठाएको थियो।

श्रीलङ्का
चार दिन पहिले, भारतीय नौसेना जहाज शक्ति १०० टन तरल चिकित्सा अक्सिजन श्रीलङ्का पुगाएको थियो। सन् २०२१ अगस्ट २५ तारिख सम्म भारतले २ सय ८० टन अक्सिजन प्रदान गरेको छ।सन् २०२० अप्रिल-मे महिनामा भारतले श्रीलङ्कालाई २६ टन आवश्यक चिकित्सा आपूर्ति उपहार स्वरूप प्रदान गरेको थियो।

भुटान
भुटानले सर्वप्रथम कोभिड १९ खोप उपहार स्वरूप प्राप्त गरेको थियो। हालसम्म भारतले भुटानलाई ५ लाख ५० हजार कोभिड १९ खोप उपहार स्वरूप प्रदान गरिसकेको छ।अप्रिल महिनामा भारतले कोरोनाभाइरस आपत्कालीन कोष अन्तर्गत भुटानलाई सहयोग गर्न चिकित्सा आपूर्ति को एक खेप पठाएको थियो।

मालदिभ्स
सन् २०२१ जनवरी महिनामा भारतले मालदिभ्सका स्वास्थ्यकर्मीहरूलाई खोप लगाउन १ लाख खोप खुराक उपहार स्वरूप प्रदान गरेको थियो। भारतले मालदिभ्सलाई भारतीय उत्पादन कम्पनीहरू बाट सस्तो दर मा खोप खरिद गर्न सहयोग पुर्‍याएको छ। गत वर्ष, सेप्टेम्बर महिनामा, मालदिभ्सले कोभिड १९ सङ्कटमा पनि २५ करोड अमेरिकी डलर को आर्थिक सहयोगका लागि भारतलाई धन्यवाद दिएको थियो।