-
-
-
-
काठमाडौँ । नेपाली काँग्रेसले पार्टीको संसदीय दलको बैठक बोलाएको छ । काँग्रेसले मङ्गलवार दिउसो २ बजेका लागि नयाँबानेश्वरस्थित संसद् भवनको ल्होत्से हलमा दलको बैठक बोलाएको हो ।
काँग्रेसकी सचेतक पुष्पा भुसालका अनुसार २३ गतेबाट सुरु हुने संसद् बैठकसहित संसद्मा सत्तारुढ दलले खेल्नु पर्ने भूमिका र एजेन्डाका विषयमा बैठकमा छलफल हुनेछ ।
यस्तै बैठकमा सरकारले ल्याएको राजनीतिक दल सम्बन्धी अध्यादेश र बजेट लगायतका विषयमा पनि सांसदलाई जानकारी गराइने बताइएको छ ।
