-
-
-
-
नेपालगन्ज । बाँकेका दुई छुट्टाछुट्टै स्थानमा खोलामा डुबेर दुई जना बेपत्ता भएका छन् ।
जिल्ला प्रहरी बाँकेका अनुसार डुडुवा गाउँपालिका ४ मा रहेको राप्ती नदीमा मलामी गएका नेपालगन्ज १० भृकुटीनगर बस्ने अन्दाजी २६/२७ वर्षका सरोज चन्द बुधवार बिहान साढे ११ बजे पुल नजिकबाट डुबेर बेपत्ता भएका हुन् ।
त्यस्तै अर्का एक जना पुरुष मानखोला तर्ने क्रममा डुबेर बेपत्ता भएको बाँके प्रहरीले जानकारी दिएको छ। खजुरा गाउँपालिका ७ मानखोलास्थित सोही गाउँका अन्दाजी ५५ वर्षका विक्रम राई खोलामा डुबेर बेपत्ता भएका छन् । बुधवार बिहान १० बजे राईले दाउरा खोजेर खोला तर्ने क्रममा डुबेर बेपत्ता भएको प्रहरीले जानकारी दिएको छ।
बेपत्ता भएका दुवै जनाको प्रहरी,सशस्त्र प्रहरी र स्थानीयहरूको प्रयासमा खोजी कार्य भइरहेको जिल्ला प्रहरी बाँकेले जानकारी दिएको छ।
