-
-
-
-
गोरखा । फुजेलबाट बेनीघाट जाँदै गरेको बोलेरो जीप दुर्घटना भएको छ । गण्डकी गाउँपालिकाको बेनीघाट नजिकै मलेओडारमा दुर्घटना हुँदा पाँच जना घाइते भएका हुन् । उनीहरूको मलेखुको अस्पतालमा उपचार भइरहेको छ । प्रहरीका अनुसार जीपमा १५ जना सवार थिए ।
ना ४ च ७७३८ नम्बरको जीप ब्रेक फेल भएर दुर्घटना भएको बताइन्छ । ब्रेक फेल भएपछि चालक राजु थापाले जीपलाई भित्तामा ठोक्काएर जोगाएका थिए ।
दुर्घटनाका घाइतेमध्ये दुई जनाको अवस्था गम्भीर रहेको जिल्ला प्रहरी कार्यालय गोरखाले जनाएको छ । क्षमताभन्दा बढी लोड हुँदा बोलेरो दुर्घटनामा परेको हुन सक्ने प्रहरीले जानकारी दिएको छ ।
