सौराहा । एमाले १०औँ महाधिवेशनबाट पाँच जना सचिव विजयी भएका छन् । सौराहामा भएको महाधिवेशनको मतगणनाको अन्तिम नतिजाअनुसार सचिवका उम्मेदवार टोपबहादुर रायमाझी, योगेश भट्टराई, पद्मा अर्याल, छविलाल विश्वकर्मा, रघुवीर महासेठ, लेखराज भट्ट र गोकर्ण विष्ट विजयी भएका हुन् ।
विजयी हुने विष्टले १९७६, भट्टराईले १९६४, अर्यालले १८००, विश्वकर्माले १८००, भट्टले १७०४, रायमाझीले १७०० र महासेठले १५१३ मत ल्याए ।
सचिवका प्रत्यासीद्वय भीम आचार्य र टंक कार्की भने पराजित भएका छन् । आचार्यले १३०० मत र कार्कीले ५०० मत ल्याए ।
अध्यक्ष केपी शर्मा ओली गुट बेगरका सबै पराजित भएका हुन् । उपाध्यक्षमा घनश्याम भुषाल र अध्यक्षमा डा.भीमबहादुर रावल पराजित भएका हुन् ।
