पोखरामा ट्रकको ठक्करबाट एक महिलाको मृत्यु, प्रहरी सहायक निरीक्षक घाइते
हाम्रा कुरा
प्रकाशित २०७८ मंसिर २८ मंगलबार
957
Shares
पोखरा । पोखरामा सवारी दुर्घटना हुँदा एक जनाको ज्यान गएको छ ।
मृत्यु हुनेमा पोखरा महानगरपालिका वडा नं. १४ काजीपोखरीकी ६० वर्षीया शान्तिमाया पुनको रहेकी छन् । पुन उपचार पश्चात् घर फर्कँदै थिइन् ।
सो दुर्घटनामा घाइते भएका जिल्ला प्रहरी कार्यालय कास्कीमा कार्यरत प्रहरी सहायक निरीक्षक ४२ वर्षीय डिलबहादुर सोमरे घाइते भएका थिए ।
उनको गण्डकी मेडिकल कलेजमा उपचार पश्चात् घर फर्किएका छन् । मृतक पुनः प्रहरी सहायक निरीक्षक सोमरेकी सासुआमा भएको बताइन्छ ।
दिउसो १ः१५ बजे प्रहरी सहायक निरीक्षक सोमरेले चलाएको ग१४प ५८२२ नं. को स्कुटरलाई बा ०३-००१ ख १८१५ नं. को ट्रकले ठक्कर दिँदा दुर्घटना भएको हो ।
ट्रक र ट्रक चालकलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता सुन्दर तिवारीले जानकारी दिए ।
