-
-
-
-
चितवन । चितवनमा सवारी दुर्घटना हुँदा एक जनाको मृत्यु भएको छ । मृत्यु हुनेमा चितवन खैरहनी नगरपालिका वडा नं २ निवासी ५५ वर्षीय रामहरि श्रेष्ठ रहेका छन् ।
सो दुर्घटनामा सोही ठाउँका ५४ वर्षीय पुरन श्रेष्ठ गम्भीर घाइते भएका छन् । उनको पुरानो मेडिकल कलेजमा उपचार भइरहेको प्रहरीले जनाएको छ ।
भरतपुरको बाइपास रोडमा अर्किड कलेजको बसले मोटरसाइकललाई ठक्कर दिँदा श्रेष्ठको मृत्यु भएको हो ।
बुधबार साँझ साढे ६ बजेको समयमा आँपटारीबाट मालपोतचोकतर्फ जाँदै गरेको ना१क ४७९८ नम्बरको अर्किड कलेजको बसले सोही दिशातर्फ जाँदै गरेको ना६१प ४४०८ नम्बरको मोटरसाइकललाई ठक्कर दिंदा दुर्घटना भएको प्रहरीले जनाएको छ ।
कलेज बस र चालकलाई नियन्त्रणमा लिइएको प्रहरीले जनाएको छ ।
