-
-
-
-
काठमाडौं । स्पेनिश ला लिगा फुटबलमा बार्सिलोनाले जित हासिल गर्दा रियाल मड्रिड पराजित भएको छ । रियाल गेटाफेसँग गएराति १–० को अप्रत्याशित हार बेहोर्न पुगेको हो । योसँगै रियालको अपराजित यात्रामा पूर्णबिराम लागेको हो ।
गेटाफेको जितमा एनेस युनलले नवौँ मिनेटमा गरेको गोल निर्णायक बन्यो । यसअघि मड्रिड पछिल्लो पाँच अवे खेलमा अपराजित थियो ।
बार्सिलोनाले भने मयोर्कालाई १–० ले हरायो । बार्सालाई जिताउन लुक डी जोङले ४४औँ मिनेटमा हेडमार्फत निर्णायक गोल गरे ।
गएरातिका अन्य खेलको नतिजा
एथलेटिको मड्रिड २–० रायो भाएकानो
इल्चे ०–० ग्रानाडा
डेपोर्टिभो एलाभेस १–१ सेल्टाभिगो
अंक तालिका
२० खेलबाट ४६ अंकसहित रियाल मड्रिड शीर्ष स्थानमा छ । सेभिया १८ खेलबाट ३८ अंकसहित दोस्रो स्थानमा छ ।
१९ खेलबाट ३३ अंकको रियाल बेटिस तेस्रो तथा ३२ अंकबाट एथलेटिको मड्रिड चौथो स्थानमा छ ।
३१ अंकको बार्सिलोना पाँचौं स्थानमा छ ।
जितसँगै बार्सिलोना १९ खेलबाट ३१ अंकसहित पाँचौँ स्थानमा छ । पराजित मालोर्का भने समान खेलबाट १९ अंकसहित १५ औं स्थानमा छ ।
