खोप विरोधी जोकोभिचलाई भिसा दिन न्यायाधीशको अष्ट्रेलिया सरकारलाई आदेश

हाम्रा कुरा

प्रकाशित २०७८ पुष २६ सोमबार

काठमाडौं । विश्वक नम्बर एक टेनिस खेलाडी नोभाक जोकोभिचको भिसा रद्द गर्ने अष्ट्रेलियाली सरकारको निर्णय न्यायाधीशले उल्ट्याइदिएका छन् । अष्ट्रेलियन ओपन खेल्न गत साता मेलबर्न विमानस्थलमा उत्रेका जाकोभिचलाई कोरोना सम्बन्धी नियम पालना नगरेको भन्दै त्यहाँबाटै सरकारी हिरासत होटेलमा लगिएको थियो ।

त्यसपछि जोकोभिचले अष्ट्रेलियाली सरकारको निर्णयविरुद्ध अदालतमा निवेदन हालेका थिए । सोहीमाथि सोमबार न्यायाधीश एन्थोनी केलीले जोकोभिकलाई ३० मिनेट भित्र रिहा गर्न र उनको राहदानी र अन्य यात्रा कागजातहरू उनलाई फिर्ता गर्न आदेश दिएका हुन् ।

टेनिस स्टारले अष्ट्रेलियामा आफ्नो आगमनअघि यात्रा प्रतिबन्धहरूमा आवश्यक छुट प्राप्त गरेको न्यायाधीश केलीको भनाइ थियो ।