-
-
-
-
पोखरा । विद्युतीय कारोबार ऐन अन्तर्गतको कसुरमा कास्कीका एक युवक पक्राउ परेका छन् ।
पक्राउ पर्नेमा कास्कीको रुपा गाउँपालिका वडा नं. ७ को ३१ वर्षीय मुक्ति खनाल रहेका छन् ।
प्रहरीको साइबर ब्युरोले उनलाई आज त्रिभुवन अन्तर्राष्ट्रिय विमानस्थलबाट पक्राउ गरिएको बताइएको छ ।
खनाल आजै विदेशबाट स्वदेश फर्किएका हुन् । उनीमाथि वैदेशिक रोजगारमा रहँदा सामाजिक सञ्जालमार्फत महिलालाई यौन दुर्व्यवहार गरेको आरोप छ ।
खनालमाथि विद्युतीय कारोबार ऐन, २०६३ अन्तर्गतको कसुरमा अनुसन्धान भइरहेको प्रहरीले जनाएको छ ।
