-
-
-
-
सर्लाही । सर्लाहीमा गएराति सवारी दुर्घटना हुँदा एक जनाको घटनास्थलमै मृत्यु भएको छ । मृत्यु हुनेमा सर्लाहीका ईश्वरपुर नगरपालिका वडा नं. १२ का २७ वर्षीय भक्तबहादुर खड्का रहेका छन् ।
प्रहीका अनुसार पूर्व-पश्चिम राजमार्ग अन्तर्गत सर्लाहीको बाँके जङ्गलमा बसले खड्का सवार मोटरसाइकललाई ठक्कर दिँदा उनको मृत्यु भएको हो। सो दुर्घटनामा १३ जना घाइते भएको भएको प्रहरीले जनाएको छ ।
सिरहाको बरियारपट्टीबाट काठमाडौंका लागि छुटेको ना७ख ७५३ नम्बरको रात्रि बसले ना२९प ४४९८ नम्बरको मोटरसाइकललाई ठक्कर दिँदा दुर्घटना भएको हो ।
सो दुर्घटनामा गम्भीर घाइते भएका मोटरसाइकल चालक २६ वर्षीय अरुण खड्कालाई उपचारका लागि राति नै वीरगञ्ज पठाइएको छ भने बस पल्टिँदा घाइते भएका १२ जना यात्रुको लालबन्दीको विभिन्न अस्पतालमा उपचार भइरहेको छ ।
ठक्कर दिने बसका चालक फरार रहेकाले खोजी भइरहेको प्रहरीले जनाएको छ ।
