-
-
-
-
बागलुङ । बागलुङमा मोटरसाइकल दुर्घटना हुँदा २ जना गम्भीर घाइते भएका छन् । मध्यपहाडी लोकमार्ग अन्तर्गत बडिगाड गाउँपालिका वडा नम्बर ६ मा मोटरसाइकल दुर्घटना हुँदा २ जना गम्भिर घाइते भएको प्रहरीले जनाएको छ ।
निसीखोलातर्फ जाँदै गरेको लु ५१ प ५८५२ नम्बरको मोटरसाइकलले बडिगाड गाउँपालिका वडा नम्बर ६ को एक्लेखेत नजिकै पैदलयात्री वडा नम्बर ६ ठूलाबेसीका १३ वर्षीय अन्जान थापालाई ठक्कर दिँदा उनी र मोटरसाइकलमा सवार अर्दुका एक जना घाइते भएका हुन् । उनको खुट्टाको र टाउकोमा गम्भीर चोट लागेको छ ।
यस्तै, मोटरसाइकलको पछाडि बसेका निसीखोला गाउँपालिका वडा नम्बर ३ का २६ वर्षीय नवीन चन्द पनि गम्भीर घाइते भएको प्रहरीले जनाएको छ ।
दुवै घाइतेलाई पाल्पा रिफर गरिएको बताइएको छ । मोटरसाइकल चालक निसीखोला गाउँपालिका वडा नम्बर ३ का लोकबहादुर चन्दको अवस्था भने सामान्य छ । मोटरसाइकल र चालकलाई प्रहरीले नियन्त्रणमा लिएको छ ।
