-
-
-
-
तनहुँ । तनहुँमा सवारी दुर्घटना हुँदा एक जनाको ज्यान गएको छ । मृत्यु हुनेमा म्याग्दे गाउँपालिका वडा नं. १ तल्लो गुणादीका ४० वर्षका मनोज खनाल रहेका छन् ।
दुर्घटनामा गम्भीर घाइते भएका खनालको दमौली अस्पतालमा उपचारकाक्रममा मृत्यु भएको प्रहरीले जनाएको छ ।
थर्पुबाट दमौलीतर्फ आउँदै गरेको ग२च ७४७४ नम्बरको बोलेरो जीपले म्याग्दे गाउँपालिका वडा नं. १ बरचौरस्थित पृथ्वी राजमार्गमा ग७प ५८२६ नम्बरको स्कूटरलाई ठक्कर दिंदा दुर्घटना भएको हो ।
ठक्कर दिने जीप र चालकलाई नियन्त्रणमा लिएर थप अनुसन्धान गरिरहेको जिल्ला प्रहरी कार्यलय तनहुँका प्रवक्ता युवराज खड्काले जानकारी दिए ।
दुर्घटनामा खनालको मृत्यु भए पश्चात् आफन्तजनले राजमार्ग अवरुद्ध गरेका थिए ।
