-
-
-
-
पोखरा । युनाईटेड अरब ईमिरेट्स (यूएई) मा मंगलबार सवारी दुर्घटनामा परी पोखराकी एक युवतीको ज्यान गएको छ ।
मृत्यु हुनेमा पोखराकी जेनिशा गुरुङ रहेकी छन् । उनको ठेगाना पोखरा खुले पनि पोखराको स्थान भने खुल्न सकेको छैन ।
उनी तीन वर्षदेखि नर्सको रुपमा यूएईमा कार्यरत थिइन् । आफ्नै साथीसँग दुबईबाट फर्कने क्रममा गुरुङ चढेको सवारी साधन अनियन्त्रित भई दुर्घटना हुँदा उनको घटनास्थलमै मृत्यु भएको हो ।
दुर्घटनामा अर्की एक नेपाली नर्स र पाकिस्तानी ड्राइभर घाइते भएका छन् । दुवै जनाको स्थानीय अस्पतालमा उपचार भइरहेको छ ।
गुरुङको शव स्थानीय साकार अस्पतालमा राखिएको छ । मृतक गुरुङकी श्रीमान् हाल वैदेशिक रोजगारीकै क्रममा कतारमा कार्यरत रहेका छन् ।
