युक्रेन तनाव : मिन्स्क सम्झौता कार्यान्वयन गर्न जोड
एएनआई / स्पुतनिक,
प्रकाशित २०७८ फागुन ५ बिहिबार
355
Shares
लन्डन [युके] । बेलायतका प्रधानमन्त्री बोरिस जोन्सन र संयुक्त राष्ट्रका महासचिव एन्टोनियो गुटेरेसले युक्रेनको वरपरको अवस्थाबारे छलफल गर्दै मिन्स्क सम्झौताहरू कार्यान्वयन गर्नुपर्ने आवश्यकतामा जोड दिएको, जोन्सनको कार्यालयले जनाएको छ।
"नेताहरूले संयुक्त राष्ट्रसंघको बडापत्र अन्तर्गत आफ्नो दायित्वहरू पालना गर्न र संयुक्त राष्ट्रसंघ सदस्यहरूको सार्वभौमसत्ता र क्षेत्रीय अखण्डताको सम्मान गर्ने राज्यहरूको दायित्व पुनः दोहोएका छन्।
प्रधानमन्त्री र महासचिवले मिन्स्क सम्झौताहरू कार्यान्वयन गर्न सबै पक्षहरू असल विश्वासका साथ काम गर्ने महत्त्वलाई पुन: पुष्टि गरे," बेलायती प्रधानमन्त्रीको कार्यालयले बुधबार उल्लेख गरेको छ ।
युक्रेनको सरकार र अलग भएको डोनेट्स्क र डोनेट्स्कबीच डोनबासमा द्वन्द्व जारी छ। द्वन्द्वको राजनीतिक समाधान खोज्न तयार गरिएको मिन्स्क सम्झौताहरू फ्रान्स, जर्मनी, रुस र युक्रेनका नेताहरू-नोर्मान्डी समूह-फेब्रुअरी २०१५ मा वार्ता भएका थियो।
यद्यपि, यो सम्झौता अहिलेसम्म पालना भएको छैन र छिटपुट झडप जारी नै छ। मस्कोले बारम्बार कीभले मिन्स्क सम्झौताहरू पूरा नगरेको र द्वन्द्व समाधान गर्न वार्तामा ढिलाइ गरिरहेको बताएको छ।
रुसले युक्रेनमा "आक्रमण" गर्न सक्ने पश्चिमाहरूको डरका कारण युक्रेनको अवस्थाले अहिले अन्तरराष्ट्रिय ध्यानाकर्षण गरिरहेको छ। मस्कोले भने कुनै पनि छिमेकी राष्ट्रमाथि आक्रमण गर्ने योजना नरहेको बताएको छ ।
