-
-
-
-
दाङ । दाङको देउखुरीमा कारको ठक्करबाट एक बालिकाको मृत्यु भएको छ । दुर्घटनामा परी राप्ती गाउँपालिका-७ आनन्दपुरका १० वर्षीया सन्ध्या चौधरी रहेको प्रहरीले जनाएको छ ।
मृतक चौधरी र अन्य दुईजना मङ्गलबार राति १०ः३० बजेका समयमा रा३प ३४६१ नंको मोटरसाइकलमा सवार रहेका थिए ।
गोबरडिहा शिवरात्रिको मेला हेर्न जान लागेका उनीहरु सवार रहेको मोटरसाइकल गढवा गाउँपालिका-२ महदेवा पुल नजिक विपरीत दिशाबाट आइरहेको लु२च ७६८२ नंको कारसँग ठोक्किएको थियो ।
कारको ठक्करबाट गम्भीर घाइते भएकी चौधरीको लमहीमा उपचारका क्रममा गएराति नै मृत्यु भएको इलाका प्रहरी कार्यालय गढवाले जनाएको छ ।
दुर्घटनामा परी राप्ती गाउँपालिका-४ सगरापुरका मोटरसाइकल चालक अन्दाजी ४५ वर्षीय जयराम चौधरी, सोही ठाउँ निवासी बेदकुमारी चौधरी घाइते भएको प्रहरीले जनाएको छ ।
