मापसे गरेका चालकको मोटरसाइकलको ठक्करबाट प्रहरी हवल्दारको मृत्यु, जवान गम्भीर घाइते

सौरभ गिरी,

प्रकाशित २०७८ फागुन २४ मंगलबार

नेपालगञ्ज । बाँकेमा मोटरसाइकलको ठक्करबाट ड्युटीमा रहेका एक प्रहरी हवल्दारको मृत्यु भएको छ । नेपालगञ्जको राँझा चोकमा ड्युटीमा खटिएका प्रहरी हवल्दार २९ वर्षीय भूपेन्द्रबहादुर शाहीको मोटरसाइकलको ठक्करबाट मृत्यु भएको जिल्ला प्रहरी कार्यालय बाँकेले जनाएको छ ।मोटरसाइकलको ठक्करबाट घाइते हवल्दार शाहीलाई अस्पताल लैजाँदै गर्दा बाटोमै मृत्यु भएको जिल्ला प्रहरी कार्यालय बाँकेका एसपी श्यामकृष्ण अधिकारीले बताए ।

ड्युटीमै रहेका प्रहरी जवान ३५ वर्षीय नरेश चौधरी पनि मोटरसाइकलको ठक्करले घाइते भएका छन् । उनको नेपालगञ्ज मेडिकल कलेजमा उपचार भइरहेको छ। उनको टाउकोमा चोट लागेको छ । उनीहरू दुबै जना राँझा विटमा कार्यरत थिए ।

हिजो राति साढे ९ बजेतिर नेपालगञ्जबाट कोहलपुरतर्फ जाँदै गरेको भे १० प ४७५७ नम्बरको मोटरसाइकलले चेकिङबाट भाग्ने क्रममा ड्युटीमा रहेका प्रहरी हवल्दार शाही र जवान चौधरीलाई ठक्कर दिएको थियो ।