-
-
-
-
झापा । झापाको बुद्धशान्ति गाउँपालिका १ स्थित पुलचोकमा गएराति भएको दुर्घटनामा एक युवकको मृत्यु भएको छ । मेची राजमार्ग अन्तर्गत सो सडक खण्डमा दक्षिणबाट उतरतर्फ जाँदै गरेको ना ३ ख ५४६२ नम्बरको ट्रकमा सोही दिशाबाट जाँदै गरेको नम्बर प्लेट नभएको क्रस फायर मोटरसाइकल ठोक्किँदा मोटरसाइकल चालक बुद्धशान्ति ४ का २५ वर्षीय अन्जन फागोको मृत्यु भएको हो ।
ट्रकलाई ओभरटेक गर्ने क्रममा ट्रकको पछाडिको चक्कामा परेर मोटरसाइकल दुर्घटना भएको ट्राफिक प्रहरीले जनाएको छ । सो क्रममा गम्भीर घाइते भएका फागोको बीएण्डसी हस्पिटलमा उपचारको क्रममा राति ९ बजे मृत्यु भएको प्रहरीले जनाएको छ ।
