-
-
-
-
नेपालगन्ज । नेपालगन्जको अति व्यस्त राँझा चोकमा टिपरको ठक्करबाट एक जना पुरुषको घटनास्थलमै ज्यान गएको छ।
आज बिहान साढे ८ बजे नेपालगन्जबाट कोहलपुर तर्फ गइरहेको भे १ क ६५७ नम्बरको टिपरले नेपालगन्ज २० स्थित राँझा चोकमा ठक्कर दिँदा हुम्लाका बिरबले भण्डारीको ज्यान गएको जिल्ला ट्राफिक प्रहरी कार्यालय बाँकेले जानकारी दिएको छ। उनलाई बाटो काट्ने क्रमका टिपरले ठक्कर दिएको हो।
जिल्ला ट्राफिक प्रहरी कार्यालय बाँकेका अनुसार ५५ वर्षीय मृतक भण्डारी हुम्ला घर भई हाल नेपालगन्ज २० मा बस्दै आएका थिए।
ठक्कर दिने टिपर र चालकलाई प्रहरीले नियन्त्रणमा लिए पनि घटनापछि तनावपूर्ण बनेको राँझा चोक अहिले शान्त बनेको छ।
