-
-
-
-
धनगढी । डोटीमा ट्र्याक्टर दुर्घटना हुँदा एक जनाको मृत्यु भएको छ। जिल्ला प्रहरी कार्यालय डोटीका अनुसार मंगलबार जिल्लाको पूर्वीचौकी गाउँपालिका–७ मा गजेडाबाट चौखुट्टे जाँदै गरेको से१त ७८३९ नम्बरको ट्र्याक्टर दुर्घटना भएको हो ।
दुर्घटनामा ट्रयाक्टर चालक कैलाली गौरीगङ्गा नगरपालिका–३ का २४ वर्षीय ज्ञानेन्द्र चौधरीको घटनास्थलमै मृत्यु भएको प्रहरीले जनाएको छ। सहचालक अछामको चौरपाटी गाउँपालिका ३ का अन्दाजी २५ वर्षीय नरबहादुर भूलको जिल्ला अस्पताल डोटीमा उपचार भइरहेको प्रदेश ट्राफिक प्रहरी कार्यालय अत्तरियाले जनाएको छ।
सडक भत्केको र साँघुरो भएका कारण दुर्घटना भएको हुनसक्ने प्रहरीको अनुमान छ।
